తెలంగాణ వార్త:: రాష్ట్రంలో అతిత్వరలో భారీగా ఐపీఎస్‌ల బదిలీలు జరుగనున్నాయి. ఈ మేరకు ఉన్నతాధికారులు జాబితాపై కసరత్తు చేస్తున్నట్లు విశ్వసనీయ వర్గాల సమాచారం. ఐపీఎస్ అధికారుల పనితీరు ఆధారంగా కొంతమందిని ప్రస్తుతం ఉన్న స్థానాల నుంచి మరోచోటుకు బదిలీ చేసే అవకాశం ఉన్నట్లు తెలుస్తోంది. ఆసిఫాబాద్‌, నిర్మల్‌, సిరిసిల్ల, మెదక్‌ ఎస్పీలు, కరీంనగర్‌, రామగుండం, వరంగల్‌, ఖమ్మం సీపీలు ఉన్నట్లు సమాచారం. పలువురు డీసీపీలు సైతం బదిలీల జాబితాలో ఉన్నట్లు తెలుస్తోంది. అలాగే ఖాళీగా ఉన్న నిజామాబాద్‌ కమిషనరేట్‌ను యువ ఐపీఎస్ అధికారితో భర్తీ చేసేందుకు కసరత్తు చేస్తున్నట్లు సమాచారం. గతంలో నిజామాబాద్‌లో పనిచేసిన డాక్టర్ వినీత్‌ జీ నిజామాబాద్‌ సీపీగా రావచ్చని ప్రచారం జోరందుకుంది. అలాగే సామాజిక సమీకరణల నేపథ్యంలో కోటిరెడ్డిని సైతం నియమిస్తారనే ప్రచారం సాగుతోంది. త్వరలో బదిలీల ఉత్తర్వులు వెలువడే అవకాశం ఉంది.
Leave a comment