పరిసరాలు పరిశుభ్రంగా ఉంచాలి…..

ఆర్మూర్, తెలంగాణ వార్త :: ఆర్మూర్ మండలంలోని పిప్రీ గ్రామంలో పిప్రీ ఆరోగ్య ఉప కేంద్రo ఆధ్వర్యంలో శనివారం జ్వర సర్వే నిర్వహించడం జరిగింది.ఈ కార్యక్రమంను దేగాం ప్రాథమిక ఆరోగ్య కేంద్రం వైద్యాధికారి డాక్టర్ గంగ దినేష్ పరిశీలించడం జరిగింది.ఈ సందర్భంగా ఆయన మాట్లాడుతూ.. సీజనల్ వ్యాధుల పట్ల ఇంటింటికి వెళ్లి ఆరోగ్య సిబ్బంది ప్రజలకు సీజనల్ వ్యాధుల గురించి అవగాహన కల్పించాలని సూచించారు. ఇంటి పరిసరాలను ఎప్పటికప్పుడు శుభ్రంగా ఉంచుకోవాలని సూచించారు. ప్రతి శుక్రవారం డ్రైడేగా పాటించాలన్నారు. ఇంటి పరిసరాలలో కొబ్బరి చిప్పలు, ప్లాస్టిక్ డబ్బాలు, పాత కుండలు,పనికిరాని వస్తువులను ఉంచుకోరాదని దానిలో వర్షపు నీరు పడి దోమల లార్వా వృద్ధి చెంది డెంగ్యూ,చికెన్ గున్యా, మలేరియా, ఫైలేరియా వంటి వ్యాధులు ప్రభలుతాయని అన్నారు.దోమ పుట్టుక గురించి, దోమల వల్ల వచ్చే వ్యాధుల గురించి,దోమల నివారణ గురించి,ప్రజలకు అవగాహన కల్పించారు.ఈ కార్యక్రమంలో ఆరోగ్య కార్యకర్తలు సంతోష్,తిరుమల,సుజాత, బ్రీడింగ్ చెక్కర్స్ నరేందర్, రఫిక్,ఆశా కార్యకర్తలు తదితరులు పాల్గొన్నారు.