Home జనరల్ చిన్నాపూర్ అర్బన్ పార్క్ ను సందర్శించిన కలెక్టర్, ఎమ్మెల్యేలు.
జనరల్

చిన్నాపూర్ అర్బన్ పార్క్ ను సందర్శించిన కలెక్టర్, ఎమ్మెల్యేలు.

తెలంగాణ వార్త: నిజామాబాద్, మార్చి 26 : నిజామాబాద్ జిల్లా కేంద్రానికి సమీపంలో గల మాక్లూర్ మండలంలోని చిన్నాపూర్ వద్ద అటవీ శాఖ ఆధ్వర్యంలో ఏర్పాటు చేస్తున్న అర్బన్ పార్క్ ను శనివారం జిల్లా కలెక్టర్ సి నారాయణ రెడ్డి, ఆర్మూర్ ఎమ్మెల్యే ఆశన్నగారి జీవన్ రెడ్డి, నిజామాబాద్ అర్బన్ ఎమ్మెల్యే బిగాల గణేష్ గుప్తా, నిజామాబాద్ రూరల్ ఎమ్మెల్యే బాజిరెడ్డి గోవర్ధన్ తదితరులు సందర్శించారు. 120 ఎకరాల పైచిలుకు విస్తీర్ణంతో కూడిన రిజర్వు ఫారెస్ట్ ఏరియాలో అరణ్య అర్బన్ పార్క్ పేరుతో నెలకొల్పుతున్న ఈ ఉద్యానవనంలో సందర్శకుల సౌకర్యార్థం ఏర్పాటు చేస్తున్న వసతులు, సౌకర్యాలను పరిశీలించారు. 5.6 కిలోమీటర్ల నిడివితో కూడిన వాకింగ్ ట్రాక్, ఓపెన్ జిమ్, చెక్ డ్యాంలు, పర్కులేషన్ ట్యాంక్ లు, వాచ్ టవర్ లు, రెస్ట్ రూమ్ తదితర పనులను పరిశీలించిన కలెక్టర్, ఎమ్మెల్యేలు వాటి గురించి తమ వెంట ఉన్న డీఎఫ్ఓ సునీల్ ను వివరాలు అడిగి తెలుసుకున్నారు. పనులన్నీ యుద్ధ ప్రాతిపదికన కొనసాగుతున్నాయని ఆయన వివరించారు. నాణ్యతా లోపాలకు తావులేకుండా పనులను పకడ్బందీగా, నిర్దిష్ట కాల వ్యవధిలో పూర్తయ్యేలా చర్యలు తీసుకోవాలని కలెక్టర్ సూచించారు. జాతీయ రహదారికి ఆనుకుని సువిశాల విస్తీర్ణంలో కూడుకుని ఉన్నందున సందర్శకులను విశేషంగా ఆకర్షించేలా అన్ని రకాల వసతులు, హంగులను సమకూర్చాలని అన్నారు. ఈ మార్గం గుండా రాకపోకలు సాగించే వారితో పాటు, ఆర్మూర్, నిజామాబాద్ అర్బన్, రూరల్ నియోజకవర్గాల ప్రజలకు ప్రకృతి సహజంగా ఉన్న పచ్చదనం ఎంతగానో ఆకట్టుకుంటుందని అన్నారు. దీనిని దృష్టిలో పెట్టుకుని సందర్శకుల సౌకర్యార్థం ప్రత్యేక పైపులైన్ ద్వారా తాగునీటి వసతి ఏర్పాటు చేయిస్తామని అన్నారు. సాధ్యమైనంత త్వరగా పనులను పూర్తి చేయించి పార్కును ప్రజలకు అందుబాటులోకి తేవాలని అటవీశాఖ అధికారులకు సూచించారు. కలెక్టర్, ఎమ్మెల్యేలతో పాటు నిజామాబాద్ నగర మేయర్ నీతూ కిరణ్, స్థానిక సంస్థల అదనపు కలెక్టర్ చిత్రామిశ్రా, డీఆర్డీవో చందర్, స్థానిక ప్రజాప్రతినిధులు, వివిధ శాఖల అధికారులు అర్బన్ పార్క్ ను సందర్శించిన వారిలో ఉన్నారు.

Leave a comment

Leave a Reply

Your email address will not be published. Required fields are marked *

Related Articles

జనరల్

అంగన్వాడీ టీచర్ల కోసం పోస్టుల జారీ.. 12 పాస్ అయితే చాలు..

పాలిచ్చే తల్లులకు పోషకాహారం✔ పిల్లలకు పూర్వ ప్రాథమిక విద్య మరియు ప్రారంభ అభ్యాస మద్దతు✔ ఆరోగ్య పరీక్షలు మరియు...

జనరల్

శేర్లింగంపల్లి ని ముందుండి నడిపిస్తా డా* రవీందర్ యాదవ్..

రవీందర్ యాదవ్ కు ఎమ్మెల్సీ కవిత అభినందనలు పార్టీ కార్యక్రమాలను విజయవంతం చేయడంపై ప్రశంసలు అనుచరులతో...

జనరల్

క్షత్రియ నూతన కమిటీ ప్రమాణ స్వీకారం ఉప్పల్ లో క్షత్రియ సమాజ్ భవన్ లో నిర్వహణ..

తెలంగాణ వార్త:::శ్రీ సోమవంశియ సహస్రర్జున క్షత్రియ (పట్కరి/ఖత్రి) ప్రాంతీయ సమాజ్ గత వారం నూతన కమిటీని...

జనరల్

సమాచార హక్కు చట్టం… రామబాణం.. న్యాయవాది ఘటడి ఆనంద్..

తెలంగాణ వార్త:::ఆర్మూర్ : పట్టణంలోని రాంమందిర్ ప్రభుత్వ పాఠశాలలో విద్యార్థి, విద్యార్థులకు న్యాయవాది గటడి ఆనంద్...

You cannot copy content of this page