జాతీయ రహదారిపై డివైడర్ను ఢీకొని ముగ్గురు మృతి.

సంగారెడ్డి జిల్లా కంది మండలం కేంద్ర సమీపంలోని జాతీయ రహదారిపై గురువారం రాత్రి సమయంలో ఘోర రోడ్డు ప్రమాదం చోటు చేసుకుంది ఈ ఘటన ద్విచక్ర వాహనంపై వెళ్తున్న ముగ్గురిని గుర్తుతెలియని వాహనం ఢీ కొట్టి పై నుండి వెళ్లడంతో ఇద్దరు అక్కడికక్కడే మృతి చెందారు మరొకరి పరిస్థితి విషమంగా ఉండడంతో స్థానికులు పోలీసులు సమీపంలో ఆస్పత్రికి తరలించారు అక్కడ చికిత్స పొందుతూ అతను కూడా మృతి చెందాడు పోలీసులు తెలిపిన వివరాల ప్రకారం మెదక్ జిల్లా అల్లాదుర్గం మండలం చేవెళ్ల గ్రామానికి చెందిన బీరప్ప 26 ఆంజనేయులు 26 ఒంగోలు జిల్లా ఏరు వారి పాలెం కు చెందిన ఇజ్రాయిల్ 35 కొన్ని రోజుల క్రితం జీవనోపాధి కోసం పటాన్చెరు వచ్చారు భవన నిర్మాణ పనులు చేస్తూ జీవనం కొనసాగిస్తున్నారు గురువారం కంది మండలం చెర్ల గూడెం లో పనులు ముగించుకొని ఒకే వాహనంపై ముగ్గురు తిరిగి వెళ్తున్నారు శివారులో అక్షయపాత్ర వంటశాల ఎదుట వాహనం అదుపు తప్పి డివైడర్ను ఢీకొంది దీంతో ముగ్గురు ఎగిరి అవతలివైపు పడ్డారు అదే సమయంలో సంగారెడ్డి నుంచి శంకర్పల్లి వైపు వెళ్తున్న లారీ వీరి మీద నుంచి వెళ్ళింది వీరప్ప ఆంజనేయులు తీవ్ర గాయాలతో అక్కడికక్కడే మృతి చెందారు ఇజ్రాయిల్ తీవ్ర గాయాలు కావడంతో సంగారెడ్డి ఆస్పత్రికి తరలించగా చికిత్స పొందుతూ మృతి చెందాడు కేసు నమోదు చేసుకుని దర్యాప్తు చేస్తున్నట్లు ఎస్ ఐ తెలిపారు