ట్రాక్టర్ డ్రైవర్ లేక నందిపేట్ గ్రామపంచాయతీ ని ఢీకొట్టిన ట్రాక్టర్.

తెలంగాణ వార్త: నందిపేట్ గ్రామపంచాయతీ లో ట్రాక్టర్ డ్రైవర్ లేక ఇష్టం వచ్చిన వారు ట్రాక్టర్ ని నడిపించడం తో గురువారం సాయంత్రం నందిపేట్ గ్రామ పంచాయతీలో పని చేస్తున్నా సిబ్బంది ఒకరు ట్రాక్టర్ ని తీయడానికి ప్రయత్నించగా ట్రాక్టర్ నందిపేట్ గ్రామపంచాయతీ గోడను ఢీ కొనడంతో ఒక రూము కూలే విధంగా ట్రాక్టర్ ఢీకొంది. పర్మినెంట్ ట్రాక్టర్ డ్రైవర్ లేక ఇలాంటి సంఘటనలు చోటుచేసుకుంటున్నాయి అని నందిపేట గ్రామంలోని కాలనీవాసులు అంటున్నారు. కాలనీవాసులు సంతోష్ తో పాటు ఇతరులు మాట్లాడుతూ గ్రామ పంచాయతీకి ఇరువైపుల గేట్లు మరియు గ్రామపంచాయతీ పైన ప్రహరీ గోడ కట్టమని ఎన్నిసార్లు చెప్పిన వినతి పత్రం ఇచ్చిన పట్టించుకునే వారు లేరని వారు అన్నారు. సర్పంచ్ ఉన్న లేనట్టు ఉందని ఏమీ పట్టించుకోకపోవడం లేదని కాలనీవాసులు పేర్కొన్నారు సర్పంచ్ తో తెలంగాణ వార్త మాట్లాడడానికి ప్రయత్నించగా ఫోను తీయకపోవడం గమనార్హం. గ్రామ పంచాయతీ సెక్రెటరీ సౌమ్య మాట్లాడు తూ నేను లేని సమయంలో సాయంత్రం సంఘటన జరిగినట్టు తనకు ఫోన్ ద్వారా తెలిసిందని మరోసారి ఇలాంటి ఘటన జరగకుండా చూసుకుంటానని ఆమె తెలిపారు.